(NI ASTER AMOYO)

MAY dalawa nang branch ng Hope Wellness Spa na pag-aari ng Kapamilya young star na si Liza Soberano na nakabili na rin ng sariling bahay sa Amerika kung saan sila ng spend ng Holiday season ng nobyo niyang si Enrique Gil kasama ang pamilya ni Liza.

Sinabi ni Enrique na may binabalak umano silang negosyo ni Liza na balak nilang itayo, isang wellness resort spa na malamang mangyari ngayong 2020.

Sina Liza at Enrique ay muling mapapanood sa isang bagong teleserye na pinamagatang “Make It With You” na malapit nang mapanood sa ere.

RICHARD’S EX JEWEL PREGGY

Buntis ngayon sa kanilang  magiging second baby ng American husband niyang si Alister Kurzer ang dating Kapuso at Kapamilya actress na si Jewel Mische.  Ang mag-asawang naka-base sa Amerika ay may isa nang anak na si Aislah Rose.

Sina Jewel at Alister ay ikinasal nung 2015 sa Amerika.

Bago napangasawa ni Jewel si Alister ay naging nobyo nito si Richard Gutierrez nung pareho pa sila nasa bakuran ng GMA.

Si Richard ay nakatakdang ikasal sa kanyang fiancée na si Sarah Lahbati ngayong Marso.  May dalawa na ring anak na parehong lalaki ang mag-partner na sina Zion at Kai.

INFANTICIPATING FOR DRA. BELO’S 2ND APO

Ipinagbubuntis ngayon ni Cristalle Belo Henares-Pitt ang magiging second baby nila ng kanyang Australian husband na si Justin Pitt. Ang kanilang panganay na anak na si Hunter ay nag-one-year-old last May.

Si Cristalle ay  anak ng celebrity doctor na si Dra. Vicki Belo sa kanyang ex-husband na si Atom Henares.  Ang isa pa nitong anak kay Atom ay ang director na si Quark Heneras.

Si Dra. Vicki ay may four-year-old daughter sa kanyang present husband na si Dr. Hayden Kho na si Scarlet Snow Belo.